Опубликовано:
“Məni həyat yoldaşım o çirkabdan, yəni Azərbaycan şou-biznesindən çəkib çıxartdı”
Ölüm xəbəri yayılan müğənni Bagira üzə çıxıb. “Qafqazinfo” klipler.tv-ye istinadən xəbər verir ki, müğənni ANS TV-nin “Adam içində” verilişinə telefon vasitəsi ilə qoşulub. Müğənni 4 ildir İstanbulda yaşadığını bildirb: “Mən ölməmişəm, sağ-salamatam. Ailə həyatı qurmuşam və 4 ildir İstanbulda yaşayıram. Hər kəsin həyatında səhvləri olur. Bir vaxtlar mən də həyatımda səhvlər eləmişəm. Ancaq məni həyat yoldaşım o çirkabdan yəni Azərbaycan şou-biznesindən çəkib çıxartdı”.
Xatırladaq ki, bir neçə gün əvvəl Bagiranın dünyasını dəyişməsi haqda xəbər yayılmışdı. Xəbərdə bildirilirdi ki, əsl adı Aynurə olan müğənni QİÇS xəstəliyinə tutulub və bu üzdən də vəfat edib.
