Опубликовано:
Yeni mövsüm hazırlıqlarını Çində davam etdirən Real Madrid, yaranmasının 109-cu ildönümündə fərqli bir oyun təşkil etdi. Ulduzlardan ibarət olan bəyaz-şimşəklər, 109 Çinli uşaqla qarşı-qarşıya gəldi. Real Madridin Asiyada oyunları davam edir. Ancaq bu səfərki rəqibləri olduqca fərqli idi. Bu ana qədərki bütün hazırlıq matçlarını qalib gələn İspan nəhəngini, 109 uşaqdan ibarət olan komanda da dayandıra bilmədi. Formal oyun maraqlı görüntülərə səhnə oldu. Topla irəliləyən Real Madridli futbolçunu bəzən onlarla uşaq qovdu. Amma kiçiklərin səyi nəticə vermədi. Qarşılaşmanın ən gözəl anlarından biri Benzemanın canlı səddin üstündən vurduğu qəşəng qol idi.
Uşaqların komandası bu qədər çox adamdan ibarət olduğu üçün anlaşılmazlıqlar da yaşandı, ancaq Real Madridli futbolçular "Böyüklüklərini" göstərməyi bildilər. Meydanda çox olmalarının üstünlüyüylə zaman-zaman 100%-lik qol epizodları yaradan uşaqlar, fürsətləri dəyərləndirə bilmədilər. Real Madridin 2-0 qalib gəldiyi bu qeyri-adi matçı çox sayda Çinli futbolsevərdən başqa,, Real Madrid prezidenti Florentino Perez də izlədi.
